بو مو برم قربون او زونی خهست

بو مو برم قربون او دسل پینه بهست
🎶🎶🎶
و زحمتل بوتون هی بنازیت

اگر یه لقمه نون باش بسازیت
🎶🎶🎶
سی هر دردی بگی درمون هسی

یتیمی درد بی درمون خدایا
🎶🎶🎶
و بی بویی گپوم ک دی عزیزم

ایشینم ایوریسم ایبریزم
🎶🎶🎶
خت ایبری خت ایدوزی زمونه

تش اینی خت خو نیسوزی زمونه
🎶🎶🎶
و قدر کُه خومی درد دارم

غم دنیا یه جایه ر و بارم
🎶🎶🎶
فلک منه و بوم جدا کردی

منه و غم تو مبتلا کردی
🎶🎶🎶
د باور نیکنم ای دل، لر تی وی، دل وابو

خدا حونه ی جدایی جل جل وابو
🎶🎶🎶
من ای دوره که دوره ی پیل و فیسه

محبت احترام هیچ نیسه
🎶🎶🎶
و بپی ای شعر آخرم بمونیت

و زندی قدر بوتونه بدونیت